超人果然係超人,乜都有人關心。八方昨寫佢俾雲大棉激親,都未瞓醒,電話已響到爆,個個都想八卦吓究竟雲老寫咗封乜嘢信畀李嘉誠,令到超人都要覆電話。
雲老當然唔係寫恐嚇信,只不過係講個新手提電話號碼畀超人知,等大家得閒聯絡吓;而超人係念舊之人,覆電老朋友亦好平常。八方手頭亦有封信嘅副本(圖),不妨登出嚟畀大家睇睇。
原來超人同雲老在一九五六年已經相識,當時超人在西環做緊工廠工,轉眼四十多年,誠哥已成首富。今次政協副主席風波,雲老既然公開講咗嘢,所以大家梗係要通吓信通吓電話,換轉係八方,有個識咗四十幾年嘅老友,都會見吓面啦。
E-mail:
[email protected]