中華民國前副總統連戰大陸之行，勝利結束！不過因為被李登輝等人形容為賣台，返回台北之後，肯定會俾人掟一輪臭雞蛋！
台灣係中華文化光復基地，若然咁易賣得甩，咁呢個基地，要唔要都罷！民進黨既然不承認連戰係政府官方代表，佢亦冇同共方簽署任何「和平統一」協議，相反，胡連新聞公報，冇一字提到所謂「統一」，亦冇講過「一國兩制」，相反𠱁到共方承諾「促進結束敵對狀態」，加埋共方送熊貓、贈屍爬，即是話，胡錦濤亦承認，只要唔台獨，乜都得，只求「維持現狀」！
乜嘢係「現狀」？即是話：共方承認中華民國正朝，承認青天白日旗，承認國父孫中山先生正統，換言之，一個文化中國之下，「兩個中國政府」，就係「現狀」，以前共方大罵「不承認兩個中國」，現在就反口承認「未來一個中國」、「文化一個中國」，「夢想一個中國」，之不過，現在就係「兩個中國人政權」，在海峽兩岸隔洋而治！