【旺角騷亂】認開槍前未請示上級 交通警:請示得嚟嗰同事等唔到
暴動梁天琦旺角騷亂黃慶威開槍警
前年大年初二凌晨旺角發生騷亂,本土民主前線前發言人梁天琦等5人被控煽惑暴動及參與暴動等罪,案件今於高院續審。案發當日連開兩槍的交通警黃慶威接受盤問時被質疑當時現場有更高級別的警察如督察、沙展在場,有否想過先請示上級才「提升武力程度」?黃稱「現場情況再請示得嚟,嗰同事等唔到,因為情況危急,冇其他選擇」。辯方再稱警方配備的左輪手槍有6發子彈,開完兩發後剩4發,詢問:「如果開完第二槍人群都仲唔配合,你下一步會點做?」他僅回應「當時嘅時間冇機會諗到」。
黃慶威坦言當差多年,案發當日乃首次開槍,亦承認當日由上海街跑出亞皆老街時心情已好緊張。他表示與該受傷倒地同事「一齊共事多年,心想快啲拯救佢、保護佢」。
黃盤問下指,當晚開槍後不需再執勤,轉為協助重案組同事調查開槍事件。辯方反問黃當時有否想過開槍後人群反應?他稱「(人群)停止襲擊同事,停止做呢啲破壞社會安寧嘅事,呢個係我希望達到嘅目的」。辯方再問:「冇諗其他野?」黃稱「冇其他選擇」。
黃已作供完畢,離開法庭時有私家車接送,亦有警員陪同。他離庭時被大批記者包圍,有記者問到他剛才重複開槍經歷時是否仍感緊張,黃只表示「唔好意思,冇回應」,並僅多次重覆叫現場記者小心,不要跌倒。