當年今日
關於我們

【造人成功】劉詩詩懷孕5個月 吳奇隆微博發文話激動又喜悅

蘋果日報 2018/12/20 16:21

懷孕劉詩詩吳奇隆

恭喜晒!又一對恩愛夫婦造人成功!
現年48歲嘅吳奇隆,11年同比佢細17歲嘅劉詩詩,因為合作拍電視劇《步步驚心》擦出愛火,兩人拍拖4年,15年齊齊喺社交網宣佈領證結婚,然後前年3月喺峇里舉行婚禮。據知,兩人婚後一直想生B,今日吳媽媽就親口證實,媳婦劉詩詩已經懷孕5個月,吳奇隆今日4點半左右,亦喺微博留言承認快當爸:「我們懷著激動喜悅的心情期待家庭的新成員,謝謝大家關心。」然後再喺文尾「@」埋老婆劉詩詩。
其實,早在數月前已傳劉詩詩有喜,甚至傳佢陀住孖B,但據台灣《蘋果》今日報道,劉詩詩並唔係傳聞陀住孖B,吳媽媽亦已經親口證實,媳婦陀住嘅係囝囝。
吳媽媽話:「5個月了,家裏所有人都很高興!之前外界都說詩詩生不出來,給了他們很大壓力。」吳媽媽又透露,媳婦成功陀B並非人工受孕,又指吳奇隆好低調,並唔想公開喜訊,對外都沒講,只想讓老婆安心養胎。
吳媽媽本來已經有3男2女共5個孫子,即將迎接第6個新成員,佢話全家人都相當開心,吳媽媽又說:「剛好他(指吳奇隆)也在休息放鬆,你們之前不是都寫他胖了嗎?」
劉詩詩預產期係明年5月,日前有台灣網民喺台北發現佢同老公吳奇隆蹤影,當日兩公婆同時戴咗帽同口罩,劉詩詩就着咗一件長及腳踝嘅鬆身大衣。
據捕獲吳氏夫婦嘅網友指,前日(18日)下午2點半左右,經過台北美麗華百貨附近美食廣場,先發現吳奇隆身影,然後見劉詩詩同麵包店嘅人揮手道別,兩人就一齊上咗七人車離開。網民受訪時話:「他們走超快,而擦身時不覺得(劉詩詩)是孕婦,不過若少於3個月我也看不出來啦!」
精選娛聞,喺晒《娛果》
http://fb.com/appledailyent
empty
左:網上圖片 右:資料圖片
empty
吳奇隆和劉詩詩前年喺峇里島舉行婚禮。(資料圖片)
empty
有網民喺台灣一間西餅店見到劉詩詩。(網上圖片)
empty
吳奇隆同劉詩詩一齊上車離開。(網上圖片)