宣萱、陳自瑤、苟芸慧等昨日在將軍澳為《飛虎》宣傳，有傳因宣萱和馬德鐘離巢而劇集被安排在周日炮灰檔播出，宣萱否認其事，她說：「其實喺我接拍呢齣劇時已經講明喺禮拜日播，我覺得呢個檔播幾好，拍得咁有電影feel，對我嚟講好有新鮮感，不過要等一個禮拜至睇到一集的確追得好辛苦。」

有指《飛虎》可能拍電影版及開續集，對此宣萱說：「都有聽過拍續集，電影就唔知，因為電影一向冇我份，就算我自由身，都好樂意拍續集。」此外，昨日是王浩信29歲生辰，陳自瑤已買禮物及預備浪漫晚餐，而王浩信則希望太太留錢將來置業。
採訪、攝影：魯萍