騎師潘頓 |疫情嚴峻留家過聖誕 一個禮拜賺200萬暫時儲起
潘頓林湛穎
冠軍級騎師潘頓最近轉運,上期(16日)食大四喜,加埋再對上兩期分別捧走香港盃(13日)同國際騎師錦標賽(9日)冠軍,呢個月單計獎金已賺超過200萬!
潘頓唔止係冠軍騎師,仲名副其實係「打工皇帝」,搵錢能力真係令香港好多打工仔羨慕。
聖誕節就快到,又係傳統消費旺季,潘頓有咁多子彈,但佢竟然話聖誕冇節目,會將呢筆獎金儲起。
記得潘頓早係大半年前,試過豪花成一萬銀買對Nike Dunk Low限量版波鞋,今次大時大節突然節儉起來。
原來因為疫情嚴重,馬會要求住喺騎師宿舍嘅騎師同家屬減少不必要嘅外出,亦謝絕訪客探訪。
潘頓有見及此,決定聖誕全家留係屋企;其實好多騎師同屋企人都依足馬會嘅指示,就連平日去超級市場買日用品同食物,都改為上網購物。
大家咁小心同犧牲歡度佳節,都係想賽事可以順利進行。
-----------------------------
經濟環境陰晴不定,周轉困難亦是常事,邦民日本財務讓你安坐家中,貸款一樣可以輕輕鬆鬆到手,網上貸款即時初步批核⦿,星期日都照批★,用轉數快還可以即批即過數^,全新客戶成功貸款可享迎新現金獎高達HK$3,500▲,所以說,解決方法總比問題多!
推廣期由2020年12月1日至2021年1月31日(包括首尾兩天)
須受條款及細則約束,詳情留意邦民日本財務(香港)網頁。