今次《情慾海岸線》(又名《情越海岸線》)嘅劇情唔講咁多，因為真係要上網(當然係TVB官網啦~)睇重播先夠震撼！提多大家一下，今集臨尾先係亮點呀。

張保仔(黃浩然飾)剃平頭look已經夠cute，金毛鈴(李綺雯飾)更加係集集新鮮集集搶，佢喺今晚嗰集， 又一次有呢個「長袖衫敏感症」，繼上一次比堅尼晒冷之後，今次佢又著超短裙同露臍小背心 ，長洲真係咁熱咩？

劇情講話勝妹記海鮮酒家衛生署批准重開，張保仔就用「訂情信物」誘金毛鈴幫手派傳單，不嬲冧阿張保仔嘅金毛鈴仲唔發情咁款咩！派傳單落力兼瞓身，仲要挨晒落去張寶生度，真係差在未以身相許咋...仲唔止呀，最後金毛鈴再嚟絕招------ 隔空心心發射！ 整個心心手勢送俾張寶生，唉，不過可惜，心意送咗俾不對的人...網民當然唔會放過呢個cap圖機會，不過佢哋就唔係好buy李綺雯sell呢種cutie喇。

另外市今集講到朱耀楷(李天翔飾)入去勝妹記搞破壞，分明要贈張保仔嘅慶，趕走食客不特止，仲要對張保仔講句：「我要收你皮！」嘩，真係想撩交打喎！同時，又真係不得不佩服網民嘅記憶力，呢個場面，令佢哋即時記起《我的如意狼君》入面，李天翔係飾演黃浩然嘅助手兼好友，所以網民都話：「情變喇！！」