今年絕對係球迷最傷心嘅一年，先有派路宣佈退役，近期沙維又話季尾掛靴，依家又輪到魔獸杜奧巴。下年3月就滿40歲嘅杜奧巴，依家效力緊美足聯（USL）球隊鳳凰城展翅（Phoenix Rising），佢早前接受訪問就話，自己將會喺下年掛靴。

「我諗下年會係我嘅最後一季。我仲要擺時間處理其他項目，仲踢到波就梗係一件好事，但以39歲嘅年紀嚟講，的確有好多制肘。」杜奧巴話想喺下年季尾掛靴，而USL喺下年3月就會完季，即係話仲有4個月魔獸就會告別球場。

有報道話，杜奧巴想學似碧咸咁做球隊老闆，而佢亦都持有鳳凰城展翅嘅股份，算係半個老闆。杜奧巴15/16球季踢緊美職球會蒙特利爾衝擊，今年就去咗鳳凰城展翅，球迷如果想把握最後機會「捕捉他」，就要買定機票去美國喇!

----------
曼城主力球員已經進駐『BFB CHAMPIONS 2.0』！快啲建立你嘅藍月亮軍團啦！
http://bit.ly/2xrTKGM