徐錦江近年回歸老本行去做美術家，得閒就畫吓畫、做吓雕塑，又喺內地開發藝術園，不過徐錦江近日又走咗去深圳，客串電影《避風港》。

其實徐錦江非常忙，喺安徵嘅藝術園都未建好，喺貴州已經有財團請佢到當地又起一個藝術園，但徐錦江戲癮大，加上呢套要花嘅時間唔長，佢就答應去演。

日前《蘋果》打俾徐錦江，問佢雖咪去咗深圳拍戲？徐錦江話：「係呀，客串幾日啫！時間唔長都可以做，如果要我拍個幾兩個月嘅戲，我就唔敢接，安徵藝術園就嚟起好，所以有好多嘢要我去跟進，我真係冇可能走咗去幾個月開工拍戲。」

講到o依家內地有好多省市想搵徐錦江去開發藝術園，財團會俾一個設計費佢，佢之前去過貴州幾次睇環境，佢講：「地方我係鍾意，睇吓做唔做到啦！你要諗到唔同意念，有靈感先可以做。」