喺娛樂圈曾經短暫出現過嘅o靚模始祖活希兒（Fiona Braidwood），今日被發現正式入紙同男友陳昌熹（Darrin）入紙結婚，講到活希兒，真係好易令人聯想到佢喺2013年，喺中港照相器材主席孫大倫細仔孫道熙（Ryan）與潮州商會會董林鎮洪女兒林珊亭（Sandee）嘅婚宴上，著住同新娘同一款婚紗踩場(新聞連結： http://bit.ly/2ivcbpI )，有傳Ryan係活希兒嘅舊愛，不過二人拍拖以嚟，二人冇承認戀情。

其後有傳奶奶、孫大倫夫人鄧秀英唔鍾意新抱Sandee；活希兒喺fb解釋呢件事，佢話嗰件晚裝係契媽鄧秀英送俾佢，事件變成羅生門。Ryan哥哥孫道弘喺fb鬧爆活希兒，Ryan亦唔開名咁留言喪插(新聞連結： http://bit.ly/2xmjMxZ )！

跟住孫大倫夫人帶埋新抱同活希兒一齊澄清，孫太話成件都係意外，活希兒嗰件係晚裝唔係婚紗，係Ryan嘅朋友加鹽加醋，但係似乎未能平息件事，有傳活希兒被律師樓勸離職(新聞連結： http://bit.ly/2h4x0pm )。