【9.15遊行】伍家謙感警方發反對通知書奇怪 直斥收緊發聲權利
蘋果日報 2019/09/12 18:00
鄺文珣伍家謙
（攝影：盧妹）
鄺文珣與伍家謙今日到東涌出席澳洲主題餐廳20周年慶祝活動，鄺文珣早前一家五口到澳洲旅行：「最唔慣冇工人姐姐幫手，帶埋BB去咗10日旅行，咁講好醜，我真係好軟弱，不過都訓練到哥哥嘅自理能力。」她表示幸好老公很願意幫忙湊小朋友。
談到她研究有關保護兒童的產品，鄺文珣表示今日剛啟動facebook專頁：「個專頁叫netpama，想同父母分享保護兒童資料。」至於近日社會氣氛可會影響她的發展計劃？鄺文珣認為無論經濟、政冶環境、科技都是持續發展：「我唔覺得有擔心，反而越來越需要。」她透露色情網站已被外國定義為新毒品，小學三年級的學生已經知道全球最大的色情網站名，因此鄺文珣更希望在科技上協助父母，好好保護兒童。她表示邀請很多媽媽幫忙做研究：「爸爸就唔好啦，因為呢啲好易沉迷，亦係一種引誘，所以我老公都冇份做。」
同場的伍家謙表示工作未有受很大影響，認為社會有更重要的事：「我哋呢個行業唔係首當其衝，香港人繼續加油。」對於民陣申請於今個星期日的遊行，獲警方發出反對通知書，他說：「好多遊行都唔可以合法去做，係收緊發聲嘅權利，呢個情況好奇怪，我只可以話，大家能夠發聲嘅時候就繼續發聲。」
採訪、攝影：盧妹
伍家謙表示工作未有受很大影響，認為社會有更重要的事。
伍家謙：「好多遊行都唔可以合法去做，係收緊發聲嘅權利。」
鄺文珣早前一家五口到澳洲旅行。