馬賽噚日先至話，個人非常注重健康飲食，平日拍戲都會自備養生飮料及飯盒，盡量避免食外賣飯盒。身體健康可以靠日常飲食同做運動調節控制；但係受傷呢家嘢，個個都想避免，只係意外嘅嘢，有時要避，都避唔到。

忙緊拍《傳愛事務所》嘅馬賽，今日喺微博貼咗張「痛腳」圖，陰公，兩隻腳膝頭對落都瘀晒，馬賽寫道﹕ 「昨晚『戰績彪炳』，我承認我武功不濟，今早渾身疼痛。穿高跟鞋打架是一門大學問。」 著高踭鞋跳舞都難，何況打交……之前馬賽曾上載一張相，淚眼汪汪，原來又係為《傳愛》拍喊戲。做藝人真係絕對唔易﹗

咁啱自動波晒痛腳嘅，唔止馬戴，仲有王菀之，表面冇咁嚴重，其實都好大鑊﹕ 「上咗幾堂跳舞，對膝頭又發炎水腫晒lu，一腫就腳軟用唔到力，仲要跳成年，要諗個辦法先得……。」 發唔到力跳舞，仲要跳成年，手尾長好多。

希望兩位美女早日康復啦﹗