【新婚爆性醜聞】諧星日村勇紀被揭當16歲少女性伴 唔戴套發生關係

蘋果日報 2018/09/21 14:55

日村勇紀
    日本人氣諧星組合Bananaman嘅46歲成員日村勇紀，今年四月同主播神田愛花結婚，點知唔夠半年就爆出性醜聞，佢被揭多年前曾與未成年少女發生性關係。
    雜誌《Friday》報道，化名河野綾香嘅32歲名古屋女子，於2002年扮成21歲大學生寫信畀偶像日村勇紀，繼而開始聯絡，河野綾香話之後已表明自己真實年紀，後來日村勇紀趁一次到名古屋工作，相約佢食飯，日村勇紀帶未成年嘅河野綾香去飲酒同開房，於未有做好安全措施下發生關係。翌年，河野綾香搬到東京，並不時到日村勇紀屋企過夜，不過女方有感日村勇紀一次都冇認定兩人係情侶關係，只當佢係炮友，平時態度十分冷淡，留喺東京幾個月後，佢返回名古屋居住，並因為情緒問題，要經常到醫院求醫。
    雜誌記者就事件追訪日村勇紀，開頭佢話唔記得，後來就透過事務所就事件道歉，又稱已作出反省。雜誌亦就兒童性犯罪問題向法律界人士咨詢，律師指罪成可被判入獄兩年或罰款100萬日圓（約7萬港元）以下，但由於案件時效嘅三年期已過，條例於今次事件不適用。

    精選娛聞，喺晒《娛果》
    http://fb.com/appledailyent
    empty
    日村勇紀被揭多年前，與當時只得16歲嘅河野綾香發生性關係。
    empty
    河野綾香話日村勇紀只當佢係性伴侶。
    empty
    面對雜誌追訪，日村勇紀最初話已經唔記得呢件事。
    empty
    後來再經事務所道歉。
    empty
    日村勇紀同靚女主播神田愛花結婚唔夠半年，就爆出性醜聞。