特首梁振英突然換馬，連炒民政事務局局長曾德成及公務員事務局局長鄧國威，官場哀鴻遍野，未必是惋惜兩局「人才」被辭退，卻與梁振英如此決絕、狠下毒手有關，有人大嘆：「為咗爭取連任，梁振英可以去到幾盡？」
其實梁振英昨會見傳媒時，行貨讚賞曾、鄧二人後，便反覆強調今次換人不會影響行之已久及行之有效的公務員制度，可見他也預視換人風波或在公僕圈引起震盪。有公務員昨與季陶談論此事，也只留言「無奈亦無言」，他們尤對鄧國威被炒有感受，始終曾德成也是「外人」、非政務官體系出身，但鄧國威卻是放棄穩定鐵飯碗而跳入問責熱廚房，結果卻落得中途墮馬下場。有公僕直言，「其實仲有兩年幾，畀佢做埋咪算囉，使乜特登要郁走佢？」

增游說北京本錢

正正是梁振英僅餘兩年任期，更加必須換人再上路。因為中央是否惟獨他當下屆特首不可？從梁振英早前的訪京行安排及新華社報道，政圈中人心中有數，而梁振英若果要爭取連任，必須要有游說中央的本錢，包括妥善施政，搞好民生及地區工作，所以梁振英更加不得不在任期中間時段果斷易角，希望此舉能夠令施政有新景象，令自己翻身有望。
至於中央願意讓他「換馬」，是否如特首辦放風，顯示中央對他極支持？政界中人指：「（中央）當畀個機會佢，得，就下屆繼續選，我撐你；唔得，就證明唔係班子問題，最好你（CY）自己走人，冇拖冇欠。」
周一至周五刊出
季陶