徐雨石馬房的「好友益」今朝早（22日）七點半，由今仗鞍上人何澤堯策騎至1800米草地起步點與廐侶「電訊大砲」進行拍跳，而石哥就響烽火台嘅天台用望遠鏡全程睇到實，之後趕返機坪接馬，並且捉住何澤堯問長問短，兩個人傾咗五分鐘。

出戰周日（25日）第6場四班1400米之「好友益」最近兩場響何澤堯胯下，跑田草1400米都得第三，今次原班人馬再跑同程，最佳冷門對象。