每次 SK-II 推出的限量版神仙水都會令人驚喜萬分，今年嘅限量版輪到日本藝術家Fantasista Utamaro 接棒，究竟佢又會帶俾粉絲點樣嘅新體驗？答案終於揭盅！全新限量版神仙水嘅瓶身採用日系動漫元素，大膽配色將神仙水由「淑女」變成「時尚女神」、由護膚品變成藝術品！紅，藍及黑白三款顏色嘅設計原來正正就係代表着三位SK-II 女神：活潑好動嘅綾瀨遙代表經典紅色、氣質超模Behati Prinsloo 似足高雅冷酷嘅藍色、而型格嘅黑白簡直就係個性十足嘅竇靖童嘅寫照，三款各有特色，難怪成為 Collector 必搶嘅珍藏！

SK-II 今次唔單止淨係為神仙水換上新裝，連宣傳短片都大玩高科技！像真度極高嘅 CG 技術為東京街頭添上繽紛色彩，令整個Fantasista 嘅動漫世界活現眼前，成條短片都充滿超現實感覺，型格地詮釋Pitera™ 傳奇故事。整個故事就係由虛擬KOL Imma 進入釀酒廠發現 Power of Pitera™ 開始，Imma 得到呢股傳奇 Pitera ™ 力量之後，就喺東京街頭遇上綾瀨遙、Behati Prinsloo 及竇靖童，再同佢哋逐一擊掌，將呢股神奇嘅Pitera™ 護膚力量傳開去，令佈滿霓虹燈嘅東京街頭充滿Fantasista 嘅活力感覺！

呢一股神奇嘅Pitera™ 護膚力量唔止吸引到Imma 同一眾女星，其實一班科學家早喺30年前已經對呢股力量深深着迷！科學家到訪日本清酒釀造廠，發現銀髮族釀造師臉上佈滿皺紋，唯獨一雙手就好似逆齡生長咁幼滑，啟發佢地鑽研呢個美肌秘密，終於研發咗今日嘅Pitera™！究竟呢隻 SK-II 獨有嘅皇牌護膚成分有幾神奇？原來Pitera™ 蘊含豐富維他命、氨基酸、礦物質等同肌膚天然保濕因子非常相似嘅成分，有助改善肌膚代謝過程，令每位接觸過Pitera™ 嘅女性都可以見證呢種肌膚透亮、幼嫩、細滑嘅神奇功效！

呢支全新限量版神仙水無論係買嚟自己收藏，或者送比親朋好友，都一樣咁得體！如果你都想一試咁神奇嘅護膚精華，又想好好收藏呢枝咁吸睛嘅限量版神仙水，就一定要記得11 月6 號起親身去到 Sogo 感謝祭，睇吓呢個咁有藝術感嘅包裝設計，到時仲會有唔同限定套裝俾你揀，總有一套最適合你肌膚需要，而且仲可以同SK-II 專業嘅護膚顧問交流，了解更多轉季護膚心得！

立即了解更多 SK-II X Sogo 感謝祭詳情：Fantasista Hero VideoSK-II Sogo Thankful Week Official Website