張栢芝同兩個囝囝Lucas同Quintus依家喺新加坡居住，經常被當地市民「集郵」，所以要知栢芝嘅行蹤絕對唔難。呢幾日，有網友見到栢芝同Lucas、Quintus現身聖淘沙水上樂園，見到栢芝好錫兩個仔，仲錫Quintus額頭，又幫佢哋著救生衣，真係超級溫馨！

不過有讀者表示噚日喺聖淘沙AdventureCove水上樂園見到栢芝帶住兩個仔，佢話當時見到栢芝對住個仔好惡，唔知係咪囝囝百厭，栢芝好大聲咁話：「我同你講過幾多次，用隻眼睇嘢！」睇嚟栢芝唔係淨係識寵，原來教仔都有道！

以栢芝嘅知名度，去到水上樂園又點只得咁少人認出佢呢？過咗一陣，又有網民喺微博貼栢芝嘅相，今次個網民話：「聖淘沙水上樂園見到柏芝。」張相仲見到栢芝抱着Quintus，Lucas就坐喺隔離，好溫馨。之後又有網民貼咗同栢芝嘅合照，一共有6個半裸嘅男仔，睇得出佢哋可以同栢芝合照都好開心。