文詠珊Janice Man噚晚喺灣仔君悅酒店出席仁濟醫院第50屆董事局就職晚宴，佢喺今年嘅金像奬最佳女配角，但係佢就話佢心情一啲都唔緊張，因為知道自己唔會有獎攞，仲話同上年嘅心情好唔同，因為上年好緊張，今年就以平常心面對。JM又話上年入圍嘅電影《赤盜》，練習咗好長時間，所以感受深啲，今年《寒戰2》就真係冇諗過。

講到有冇睇好邊個，佢就話因為好多人都有合作過，所以真係答唔到睇好邊個。至於戰衣方便，JM就話唔會性感喇，因為佢喺《赤盜》入面做律師，所以配合電影造型，都唔會太性感。

提到郭富城結婚，JM就話金像獎當日見到佢會恭喜佢，問到JM覺唔覺得好驚喜，佢就話：「都驚喜，個個藝人都係啦，結婚係開心事，都會祝福嘅。」至於佢自己嘅婚期，佢就話大家都忙，唔會係呢一兩年嘅事。