國際小姐澳門代表麥嘉欣現場清唱幾句楊丞琳首《瞹眛》，而香港代表王詠珩(Wing)就即場講韓文﹕「我叫王詠珩，好高興認識你哋。」

呢啲都係今日上《蘋果》娛樂直播節目《今日ENT》表演!仲互相幫對方拉票，麥嘉欣話：「Wing將參選2017年國際小姐，佢23歲，又高又靚，又叻同乖。」王詠珩就讚麥嘉欣平易近人：「20歲好細個，青春無限，好易相處，畀多啲支持佢。」

講到對方優點?麥嘉欣就話平時叫王詠珩做家姐，因為王詠珩好保護佢，笑容得意又好sweet，一齊去旅行拎passport：「佢都有提我，份人有責任心，我就甩漏。」
王﹕我年紀上大過佢，佢做嘢好小朋友，好純真，有時呆一呆，會提佢。佢好得意，去旅行同房住，朝早間房似打杖，但臨瞓前佢就好堅持要執房，但其實執完都瞓。好
麥﹕整齊望落適舒啲。

問到今屆港姐雷莊𠒇（Juliette）被網民狂插，有冇同情佢？麥嘉欣話：「一定有，就算我有大迴響，但都有壓力，原本係一個正常出街嘅女仔，現在好多人focus，希望佢勇敢啲。」王詠珩就話：「都會，打開FB全部都講佢，自然一定有壓力，但係過渡期，加油啦，之後一定仲好嘅。」