羅馬周日意甲就會惡鬥同市死敵拉素，由於呢場波可能係「王子」托迪（圖左）最後一次踢首都打吡，「一剔牌」就設計咗一對寫有托迪名字嘅金砵（圖右），歌頌佢喺呢25年來為「首都狼」帶嚟嘅貢獻，呢對金砵全球只限量生產2,500對。托迪亦將呢對金砵嘅相，上載至佢嘅社交網站，仲話金色代表咗佢喺呢座城市嘅價值。