【新增影片】

美國國務院最新回應指，香港修訂逃犯條例將危及《美國－香港政策法》，美國克林信大學經濟系副教授、香港亞太研究所經濟研究中心成員徐家健指，美國已明確給出訊息有機會更改或取消《美國－香港政策法》，送中惡法的確會影響香港國際金融中心地位，以及最重要是美國在香港的利益，因此他認為林鄭及北京領導人有必要向國際社會解釋清楚。

對於修改逃犯條例，最嚴重的後果是取消《美國－香港政策法》，當香港不再是獨立關稅區，徐家健認為最擔心的是外國資產撤離的問題，「好多公司一路諗緊係咪香港做總部，資金係咪泊香港，過咗逃犯條例，可能內地政府有權凍結香港資產，如果係咁外國人就覺得唔安全，我已聽到金融業朋友討論緊，逐步覺得放香港的資金無咁安全，要分散投資多少少。」

他指在香港的外國資金，有長線有短線，據他所知，例如基金的短線熱錢已正在撤離香港，而他一些中產朋友亦在考慮，資產是否要放到香港以外更安全。

不過，他估計美國國務院出聲後，特區政府會再做工夫游說一眾外國領事及商會，以加強外資信心，「北京講到好口硬，但又唔會傻到咩都口硬，例如伊朗油船泊港，林鄭都口硬話係香港自己事務，不必聽美國話，但最終油船都無嚟香港，相信背後做咗啲嘢，叫佢哋唔好嚟。」特區政府姿態上要有，但實際處理美國關係始終會有忌憚，他估計引渡條例或者要提出例如外國護照擁豁免權等，才可給美國信心，最終《美國－香港政策法》是否受動搖，他相信要視乎林鄭如何回應。

前美銀及建行亞洲前高級副總裁吳明德認為，美國帶頭發聲，接着歐盟及英國都會發聲，因為香港作為自由港，假如通過送中條例，將來任何人來香港都有機會被拉，「如果話過就過，就即刻取消關係法，香港就變成上海，只係一個內地城市，日後所有商業行為唔可以喺香港簽署，我哋即係無咗法治獨立精神，各國都會離開，只有窮國嚟同香港做生意。」他認為假如立法會短期內硬通過條例，美國未必立即取消《美國－香港政策法》，快則一年半載後，慢則兩三年，而到時香港的負面影響，他估計會較亞洲金融風暴、金融海嘯更差。

記者 鍾耀恆

-----------------------------
【新聞有價】6月17日起 繼續撐蘋果
http://bit.ly/2IJ24ZR