當年今日
關於我們

中環在線:羅老太下令禁去四川 - 李華華

蘋果日報 2008/05/28 00:00


四川大地震之後,成日中港四圍飛嘅羅康瑞話,「阿媽下咗禁令,暫時唔畀我去四川!」
之不過,轉頭佢就笑笑口爆話,「冇事嘅,我好快要去四川。」唔聽阿媽話?係嘅,都60歲人,又點會仲聽阿媽支笛?
羅康瑞又話,自己好信命,正所謂生死有命,富貴由天,所以災難之後,佢都仍然會四圍去,亦冇專登學地震求生術。
佢又講瑞安房地產已經捐咗3600萬銀賑災,而集團喺四川嘅投資已經買咗保險,所以損失都唔係好大。