傅嘉莉(Kelly)、范振鋒、李思欣及趙永雄，今日去到荃灣，為台灣藝人納豆開設嘅飲品店主持剪綵開張儀式。傅嘉莉表示，屋企人亦計劃開設類似嘅飲品店，Kelly說：「今日嚟偷師，但知道租金好貴。」Kelly又話早前到大陸工作，恰巧去到義烏購入一批頭箍，正準備自創品牌，於網上销售，Kelly話：「希望以可拍一啲封面相，放喺網上賣，暫時唔會做舖頭。」

范振鋒回想98年亦曾喺旺角開設店舖售賣台式沙冰，范振鋒話：「當時年輕，仲以為好易發達，2個月就開咗4間，點知第3個月就成條街都係，半年就執晒。」范振鋒話老婆想搞啲唔使應酬嘅生意，李思欣說：「自己怕困身，之前開日本食肆，佢都要日日喺舖應酬。」

有籌拍電影嘅范振鋒，對於電影道具師、行內人稱「道具全」嘅張偉全，被裁定保管及藏有道具偽鈔案罪成，判監四個月，緩刑兩年，范振鋒話：「認識佢，戥佢唔抵，都係打份工啫，又唔係做啲乜，唔知當然唔係理由，唯有小心啲，我哋通常拍內地片比較緊張，因為內地審批緊張啲，要留意政策有冇變。」

精選娛聞，喺晒《娛果》
http://fb.com/appledailyent