當年今日
關於我們

【韓流】金希澈自爆成日畀女飛 甩拖Yuri晒單人照過情人節

蘋果日報 2016/02/14 06:00

蘋果少女時代香港韓國少時instagram情人節SuperJunior金希澈即時SJ甩拖綜藝節目YuriIGSNSD男團heechul吳昇桓GGYuri男友畀女飛認識的大哥認識的哥哥

今日係情人節,有情人嘅當然係一雙一對甜蜜過節,不過韓國男團SuperJunior成員金希澈就自爆佢成日被女朋友提出分手,令佢非常嬲嬲豬。

於噚日播出嘅節目《認識的大哥》中,觀眾提問:「有冇可行而且體面嘅分手方法?」金希澈就回答:「我拍咗拖超過一個月之後就會厭倦對方,不過每次拍拖,我都係被甩嗰個。」佢仲表現出一個好激動嘅表情,似乎係好嬲點解次次佢都被人快一步提出分手。

另外,金希澈嘅同門師妹少女時代(少時)成員Yuri去年10月被爆跟棒球選手吳昇桓分手,雖然甩拖要過單身情人節,不過Yuri今日都有節目,佢搵嚟女團T-ara嘅孝敏嚟個姊妹聚,二人更分別於Instagram公開用棉花糖當鬍鬚嘅鬼馬單人照,留言今年有個開心嘅情人節。