話咁快2018年就過，不少投資專家預言來年樓市及股市利淡居多，既然如此，大家可有想過主力在香港兩個馬場搵錢？

賭馬最大好處，就是不似金融市場，單是因為特朗普又或習主席講一句半句，市況會在毫無預兆下急轉彎！無疑近期有爆冷賽果，但另邊廂極正路的也不少。

皆因香港騎師陣營，目前明顯形成潘頓、莫雷拉以及蘇兆輝三強鼎立的局面，由於不是一個獨大，在互相制衡下各取得極高上名率，相信情況仍會持續，能想出怎樣運用潘、莫、蘇的穩定性化成投注策略變錢，乃2019年一條馬場財路。

馬迷要中冷門先開心，這樣的話，短線不妨諗諗何良馬房。踏入12月，這個華倉既炮製了「銀亮之星」、「怪獸剋星」以及剛戰「動力爆發」等冷W，也有「幸運大兄」及「愛添勝」好幾駒剷入冷P，向來何廐出擊會有週期性，此刻可追趕這陣冷風。

元旦日（1月1日）第二場五班1600米，何廐「明月昇輝」現居五班肯定有利，今季十月初出跑田草1200米，出閘失機後全程遊馬河未宜作準，用了兩個半月做好準備選擇初次增程跑一哩，隨時是博你唔信要賠率。

另外，第十一場三班1400米，「怪獸家長」上仗1400米塞足大半條直路，壓線餘勢卻是全組最強一駒，今次用潘明輝減多幾磅，遇上同場不乏名氣馬，「怪獸家長」隨時出冷。