菊梓喬今日到商台接受鄭裕玲（嘟姐）訪問並宣傳新碟《但願人長久》，她笑言首次與嘟姐做節目很緊張：「平時有乜機會見到，好緊張又期待。我私底下轉數都快㗎，不過私底上就慢，因為驚自己講咗啲唔應該講嘅嘢，要過濾吓。」

明天是大年初一，菊梓喬透露可以休息兩天：「初三會入馬場做活動，幾好，有啲意頭。我今年有去行花市，有朋友送咗蘭花畀我，桃花好似一擺要擺三年，所以我仲考慮緊。」她早前在家中自製年糕，可惜兩次都失敗：「一底就水咁、一底就漿咁，如果整第三次都失敗，我都係整番蘿蔔糕算啦。」另外，有報道指她換新車，菊梓喬否認：「公司㗎，都係sponsor，就嚟要還㗎啦，我都好想買車畀自己。我好鍾意同需要揸車，因為個操控權喺自己度，而且自己揸車可以就到時間。」

同樣趁年三十到商台宣傳的黃妍，早前推出親自填詞的歌曲《貪睡的人》，她表示完成今日工作後，可以休假三天：「年初一、二、三都可以放假，但同屋企人拜完年之後，都係諗住閉關寫歌，為今年嘅出碟計劃作準備。」她透露將與音樂監製合寫，雖然是第一次，但相信兩人有默契完成：「為咗隻碟，我仲搵番自己好多寫落嘅demo，我發現極大量冇頭冇尾，希望整理完可以放落新碟。」

談到豬年目標，黃妍指自己是新人，會工作至上，至於感情事？她說：「我真係冇乜時間拍拖，因為創作都需要時間同空間，我費事遺害人間。不過頭先見到商台有棵好大嘅桃花，我一陣都要去兜個圈沾下桃花先。」很多藝人都會在家中放桃花增旺人緣，問她有否準備？黃妍反問記者說：「真係架？我今晚要即刻去買先，為咗桃花，逼都唔緊要啦。」

10萬蚊 30人分！《動腦Q》新春Q多寶
年三十至初三 3:15pm、10:30pm
豬年動腦，Q多啲money！
http://bit.ly/2QW8LcI

精選娛聞，喺晒《娛果》
http://fb.com/appledailyent