當年今日
關於我們

  李柱銘唔知中聯辦喺邊 - 李八方

蘋果日報 2004/04/13 00:00


近來香港好戲連場,先有喬曉陽等三名京官來港「釋釋法」,跟住二萬港人仍唔畀面,上街「遊遊行」。
前日遊行八方喺終點嘅中聯辦門外,見到民主黨前主席李柱銘(媽田),佢頭岳岳周圍望,見到八方就問「中聯辦到底喺邊?」唔好怪媽田有眼不識泰山,因為一來佢點都唔會係中聯辦嘅貴客,未去過唔出奇,二來嗰度係中聯辦後門,冇招牌冇國旗冇國徽;媽田話望落重以為係一幢旺角嘅普通商業大廈。
講開今個假期佢冇遊埠,莫非收到風留港等京官來港,向佢哋當面質詢?媽田話梗係唔係,呢個假期周身唔得閒,原來佢間澄碧閣豪宅終於裝修竣工,周六可以搬返舊居。媽田話早前在外借宿極之不便,因為好多平時常用嘅文件資料同衣服都放喺屋企,𠵱家間屋裝修好,終於安樂晒。


傳真︰2623-9278
電郵︰[email protected]
empty
《後門》雖然中聯辦前門有國旗國徽,但後門就唔多起眼。