今季已舉行五次賽事，表情王蘇偉賢每次均有王牌馬勝出或入Q，包括剛戰「友享友賞」亦跑第二，而季內兩次谷戰賢廐四隻王牌馬，更交出冠亞季各一佳績。

今晚（20日）谷戰練者替「皇帝誥令」及「麯院風荷」打王牌，料屬馬房出擊重心所在。

第四場「皇帝誥令」上季八次上陣全部跑入前五名，而且三勝頭馬全由柏寶經手，演出非常穩定，當中一次跑同程即勝。

本月所有快工夫均由柏寶包辦，可見非常重視，已距上仗三個月，有足夠時間休養生息，交回上仗之表現可再上。

另外，第七場「麯院風荷」上季在九月份三次出賽，取得一冠一亞一第五未失獎金，反映擅季初搶攻，加上近三次跑谷草C欄獲冠亞殿各一佳績，咁多有利數據支持，當然有重視必要。