當年今日
關於我們

【邊使性交轉運?】張敬軒搵到楊生「生神仙」:個樓盤一開就升

蘋果日報 2017/10/13 15:17

張敬軒新城市廣場陳璧沁

張敬軒噚晚喺紅磡出席商場活動,今次軒仔會同城市室樂團同二胡女神陳璧沁合作,獻唱四首歌,佢自言表演地方係佢03年出道時開騷嘅場地,今次特別有感覺,仲笑言當年冇酬勞,今次都係講心唔講金。
今年係軒仔入行15周年,問佢會唔會搞騷慶祝?佢就話:「冇諗住特別搞,我逢十年先搞,今次呢個演奏音樂會算係kick off,係正式返出嚟做嘢。」
之前軒仔愛犬身體不適,故軒仔特意請假陪佢哋,幸依家情況穩定:「我搵咗傳心師,話佢哋戇吓戇吓,佢知道自己行動不便,怕拖累屋企人。」身為基督徒嘅軒仔有信仰,但就唔否呢樣嘢嘅存在定。
提到最近有新聞係用信仰去欺騙女性,軒仔就話:「耐唔耐都有,我贊成大家有宗教信仰,但要全心向善,有身體接觸就唔啱。」軒仔仲話呢期好多神蹟發生喺佢身上,佢話:「呢期最信老闆楊生,公司買樓有斬穫,個樓盤一開就升,我哋員工價買㗎。」
empty
今年係軒仔入行15年,不過佢未有計劃大搞。
empty
好落力喎!
empty
empty
軒仔話搵咗傳心師同狗狗傾偈!