當年今日
關於我們

漢尼斯:有五個球員唔妥肥安!

蘋果日報 2017/09/29 10:33

德甲拜仁慕尼黑歐聯解僱安察洛堤漢尼斯路明尼加歐洲足球

西班牙《阿斯報》引述德甲拜仁慕尼黑主席漢尼斯話,球隊之所以喺歐聯作客0:3輸畀巴黎聖日耳門(PSG)之後炒咗教練安察洛堤,係因為呢位意大利教頭已經「鎮」唔住一班球員,另外路明尼加亦都話球隊嘅成績係完全不能接受。
報道引述漢尼斯話:「有五個拜仁嘅球員反對肥安!」至於另一位拜仁重臣路明尼加就表示:「自從季初,球隊嘅表現都符合唔到我哋嘅預期,對PSG場波更加顯示我哋必須要即刻做一個決定。安察洛堤係我嘅朋友,呢樣嘢係唔會變嘅,但喺拜仁嘅角度嚟講,呢次係一個專業嘅決定。」肥安喺對PSG場波所排嘅正選陣容,收起咗列貝利、洛賓、曉姆斯同埋謝路美保定,佢賽後曾經話對自己嘅決定完全唔後悔。