【救救國足】守死球騎呢招 要向巴西人學嘢
中國巴西利物浦國足馬些路曾誠菲臘比古天奴人牆
國足喺周二世盃外對敘利亞場波,曾誠排條穿窿人牆畀人笑,講到防守死球有咩排人牆妙法,或者要向今季英超嘅利物浦學習下。
利物浦今季主場對熱刺場波,當時在禁區頂失咗個罰球,但佢哋竟有針對性部署;大家見到人牆後面,突然有個人跪咗喺度,原來係巴西國腳菲臘比古天奴,唔講以為佢綁緊鞋帶,其實係跪喺人牆後面協防,防止對方射地波。最終,主射嘅基斯甸艾歷臣只能選擇射高波,結果高出。
其實,古天奴呢招「騎呢」死球防守戰術,係學巴西國家隊隊友馬些路,上年世盃外圍賽對阿根廷,呢位皇馬左閘又係踎喺人牆後面,防止美斯射地波。