彭秀慧(Kearen)今日去到商台宣傳其主演嘅舞台劇《29+1》。彭秀慧憑自編自導電影《29+1》，入圍今屆電影金像獎，獲提名「最佳導演」、「最佳編劇」及「新晉導演」。

彭秀慧噚日收到金像獎俾佢嘅入圍證書，佢話感覺好奇妙，亦覺得應該係呢一生人唯一一次可以有三項入為提名，Kearen話：「一次過收到3張入圍證書，我覺得可能係人生最後一次，收到入圍證書之後，覺得自己正式成為電影工作者嘅一分子。3個入圍當中，自己最想攞嘅就係『最佳編劇』，個劇本係自己經歷13年嘅作品，所以特別想攞，但想像唔到，到時頒獎禮自己緊張嘅心情。」

舞台劇《29+1》，將於4月1號公演第100場，Kearen話沒有特別慶祝儀式，而4月2及3號就有中英文字幕特別場，佢話之前去日本大阪同名古屋宣傳，有觀眾睇完《29+1》電影之後，表示要飛過嚟香港睇佢嘅舞台劇演，Kearen話：「我叫佢哋唔好心急買飛住，為照顧香港以外嘅觀眾，特別安排兩場有中英文字幕。日本、台灣、大陸觀眾都有，日本嘅觀眾普遍20、30歲嘅女仔，其中一位日本男觀眾，係香港電影嘅狂熱份子，追蹤好多香港電影。」

精選娛聞，喺晒《娛果》
http://fb.com/appledailyent