韓國女團Dal★Shabet嘅23歲成員秀彬近日就上咗MBC節目《Video Star》接受訪問。

由於全部主持都係女演員，所以喺節目中就大談美容秘訣，佢哋亦都唔避忌，當中擔任主持嘅全孝盛表示keep住靚靚嘅秘訣就係裸睡，秀彬即時大表贊同，仲自爆：「唔着內衣，全部脫晒瞓，瞓覺嘅時候以最舒服嘅狀態可以幫助睡眠，咁樣第二日嘅臉色會更加好。」

秀彬直言裸睡好處多多，表示裸睡令人唔會感到抑鬱，自己亦好鍾意皮膚掂到張被嘅感覺，仲誇張到話：「感到好似會分泌荷爾蒙一樣，呢個係我keep住美貌嘅秘訣。」