當年今日
關於我們

【多謝晒】被罪犯式對待 DC:我無嬲過干地呀!

蘋果日報 2017/09/22 09:03

英超西甲車路士轉會馬德里體育會干地迪亞高哥斯達英國足球

【新增動新聞】
由開季到依家仲自我放逐緊嘅車路士前鋒迪亞高哥斯達(DC)終於得償所願可以返去馬德里體育會食回頭草,家陣只係爭傾妥個人條件同埋通過體測就成事。終於走得成嘅DC心情梗係靚晒喇,仲話雖然藍戰士領隊干地咁樣對佢,但自己一樣無嬲過喎!
迪亞高哥斯達因為干地話已經唔再需要佢,今個夏天一直都留喺巴西,唔肯返去同車仔報到。巴西傳媒就問佢點睇呢位意大利籍領隊,DC係咁答嘅:「我根本無唔開心過,亦都無唔鍾意任何人,更加無話嬲邊個,一切都好好呀!」DC因為自我放逐嘅關係,自從今年6月幫西班牙踢完一場世界盃外圍賽之後,到依家已經足足98日無踢過波,佢之前曾經效力馬體會四個球季,2014年夏天以3,200萬鎊加盟車路士。
empty