【韓流】CL凌晨發文談2NE1解散:令我崩潰
2NE1CL
韓國女團2NE1今年1月宣佈解散,雖然已經7個月,但前成員CL今日就喺Instagram發文透露團隊解散心情,同時預告即將回歸。
CL留言先感謝一直等待佢回歸嘅粉絲,同時預告自己好快會發表新歌,強調唔會放棄呢條路。CL話自己冇後悔過走呢條路,亦曾為理想而犧牲咗好多,不過當要同成員分開同埋組合解散時,CL自言陷入崩潰狀況,因為組合就係佢嘅全部,亦係一件唔易克服嘅事,要時間去平復。
最後CL預告現時與最好嘅團隊工作,會攜新專輯見大家,CL所屬嘅YG事務所就表示CL嘅專輯現時正籌備中。