【本報訊】特首林鄭月娥死不悔改，迫使全港「老豆老母」上街。家庭主婦余太昨帶同八歲兒子八天內兩度上街，她謂兒子上周在她出發集會之前，便叮囑她「唔好受傷、要帶遮、保護自己」，令她非常感動。她又指，過去一周是個絕佳的公民教育機會，讓小朋友傳承追求民主的責任，昨遊行是要教兒子應對不公不義之事，勇於表達。

「我係老闆會炒林鄭」

身為人母，余太批評林鄭月娥的「母親論」不恰當，指母親不能事事遷就子女，但不能漠視子女的反應或情緒，「係唔係要了解一下仔女諗緊乜？傾吓佢哋想做乜？」

帶同八歲半兒子上街的伍先生稱，6月9日是他首次參與遊行，上街為了兒子，「唔想我哋嘅小朋友要生活喺一個冇自由嘅地方，如果修例通過咗之後，我哋小朋友會生活喺一個唔能夠講真話嘅地方」，「如果我係間公司嘅老闆，一定會炒咗呢個夥計囉」。

另一家長梁太對警察行為感不滿，「佢用槍指住啲細路打落去喎，我覺得林鄭𠵱家係一個孤獨嘅媽媽，佢好保護自己嘅仔女，但佢唔保護其他人嘅仔女」。
■記者于健民、李雨夢