「鰲拜」徐錦江曾拍《九品芝麻官》、《鹿鼎記》等，喺香港迹超過十年，同老婆螞蟻及囝囝移居北京，佢除咗演戲之外，徐錦江仲係廣州美術學院畢業生，師承已故嶺南派國畫大師關山月，絕對係名副其實嘅藝術家，囝囝徐菲似乎想繼承阿爸嘅衣缽。

今日有報道指18歲徐菲喺媽咪陪同下，參加北京電影學院考試，見佢個樣同媽咪成個餅印咁，不過骨架都幾似阿爸徐錦江，外表睇落頗成熟，有網民就覺得佢似「復刻版」徐錦江，又有網民話佢似「圓臉版」李棟旭。徐菲於2000年喺香港出生，同外婆生活咗12年，之後去北京國際學校讀書，因為徐錦江當時喺大陸拍戲，父子可以有多啲相處嘅時間，當時每個星期五放學就會搭飛機去阿爸拍戲嘅地方探班。

報道又指，徐錦江囝囝徐菲四年前曾經喺訪問中，講過自己冇阿爸演戲咁厲害，將來想做醫生，不過o依家佢改變志向。