無錯，係可以食嘅朱古力牙膏。味道同口感都勁似朱古力醬，刷完牙陣香濃朱古力味，仲可以留喺口腔到。不過想用朱古力醬刷牙再食埋，一支盛惠$120，特調美白效果仲要$860，費清真係唔捨得。

呢隻朱古力牙膏其實係美國品牌Theodent，之前只可以上網買，宜家香港中環置地廣場HarveyNicholsSUPERMADE專櫃都有得賣，分別有香濃朱古力味、薄荷味同美白效果3款。朱古力味個隻，一打開個牙膏蓋，朱古力味已經撲鼻而嚟。

呢款牙膏因為內含天然物質Renno，食得之餘仲有護齒作用。Renno係可可豆入面嘅天然物質，由美國一位熱愛朱古力嘅科學家發現，可以強化牙齒表面，品牌仲聲稱護齒效果比氟化物仲勁。費清問過本地牙醫，佢話宜家含氟化物嘅牙膏先叫標準牙膏，但因為氟化物唔可以食，所以市面畀幼兒用、可以吞食嘅牙膏，都唔含氟化物，冇護齒效果，所以當小朋友識得吐番牙膏出嚟，就要轉用含氟化物嘅牙膏。佢話自己未聽過Rennou，但覺得幾有趣，希望有更多醫學實證去證明真係能夠代替氟化物。

費清＃要生計，也要生活＃毋忘初衷