江美儀同張柏文噚晚喺澳門出席密室遊戲嘅開幕活動,曾經與馬賽合作嘅江美儀力撐佢話:「搵到自己鍾意嘅,又關人咩事啫?作為朋友,只要開心,唔使理其他人。」
馬賽BB爆出同性戀情,不少網民都批評佢之前講大話、指傳媒「斷章取義」,又表示「時間會證明一切」,結果佢講完呢番話翌日,同汪子琦上海激吻照就曝光。對此江美儀謂:「我唔知當時大家點問,可能佢唔知畀人影咗,加上公司亦都有少少壓力,唔可以講感情事,你知喇,公司好保護藝人!」
對於有傳馬賽被放假兩個月,江美儀反應有點錯愕,佢話:「係咩?咁大件事?我唔知佢當初點同公司傾,我覺得不如將錯就錯,咪當放下假去玩。」至於會否覺得馬賽應勇於面對?江美儀謂:「我完全覺得冇問題,只要唔傷害到人就冇所謂,我梗係支持,人生苦短,自己覺得啱就去做!」張柏文稱未有聽聞家姐張柏芝有新歡,但都希望她有新戀情。
相關新聞:
馬賽被爆與同性密友歐遊 狂呼被斷章取義
http://bit.ly/1bX9wIg