本地時裝品牌太子爺陳柏熹（Harris）前年接掌品牌後可謂一波三折，去年5月起的抗爭運動，至今年的武漢肺炎疫情，令企業生意重創，連月來的營業額跌9成，只得32歲的Harris前年剛升任集團副總裁，要面對如此困境，Harris說：「我喺上年12月見到某啲員工真係冇心去做，我出糧唔係大晒，我會同佢哋傾，唔想做嘅就唔好委屈自己，最後有8個員工離開咗。之後真係一波接一波，我嘅人生最重要除咗出世嗰年，就係呢一年。」同樣是時裝界的沈嘉偉，近日因裁員兼削減員工福利被批涼薄，那Harris會如何渡過這個寒冬？Harris直言抱着不希望裁員的宗旨，從心出發，與大家共渡時艱，他說：「創辦人，即我爸爸、媽媽同我，已經減薪一半，香港有6間舖租約期滿後都唔會繼續，我哋最唔希望裁員，不過真係冇嘢做，放冇薪假都係必需，不過我哋會一視同仁，期限過咗就會回復正常，我哋會有兩個援助項目，會有基金去幫助有緊急需要嘅員工，另外亦會優先安排有需要嘅同事返多啲工，大家唔會覺得孤獨。」他更謂不會跟其他同行去比較仁慈，他只想做好自己，希望用正能量感染人。

其實自前年接捧家族的時裝王國，Harris自覺還未得到肯定，更感到迷失，但從不妥協的性格令他找到方向，誓要為品牌創下百年基業的任務，不過自他接掌後，公司難關重重，他更為身體的毛病而折騰足足8個月。去年4月Harris在泰國的家居意外中弄斷了兩隻腳趾、之後是一連串的醫療意外，導致右腳發炎至發黑，他說：「當時我照晒所有嘢，cancer、骨、血乜都照，搵唔到乜事，原來隻腳嘅傷口仲有線喺入面，要再做手術。」還以為事過境遷，誰知又患上脊椎問題，3個月內每天也活在痛苦之中，當時更被人勸喻、花了20萬接受精神科治療，卻沒有好轉過來，這正是他人生低潮，Harris有一刻跪在窗前，他回想說：「當時以為一生就完！我向天講，我曾經講過想做二世祖，其實唔係真㗎！當時公司好多不明朗前境，好多糾結，我同自己講應該要放完假嘞，睇咗個針灸，發現痛嘅原因係脊椎歪晒，最終醫得返好，人生有返希望！」Harris形容上了10個月寶貴的「課程」，更值得可喜的是，他與家人建立了更堅固的感情，互相更了解對方。

採訪：羅慧敏
攝影：沈健程
攝錄：廖達燊
場地提供：都爹利會館

-----------------------------
第三屆最港電影大獎
按此立即投票
-----------------------------

一按即玩