單文柔於4月為老公陳展鵬誕下女兒「小豬比」（Quinta），今日她正式復工，在淺水灣出席活動，同場還有楊洛婷。單文柔表示在這段日子，很享受湊女過程：「每次佢喊，我唔知佢係咩狀態，奶食咗，尿片又換咗，涼又沖咗，但點解仲係喊，因為佢本身好湊，比較少喊，所以佢喊嘅時候，我會比較緊張。」

單文柔透露除了自己和傭人一起照顧女兒外，老公陳展鵬最近放假都有幫手。問到有沒有搶着抱女兒？單文柔笑說：「佢一起身就去睇個女先，我要叫佢幾聲，佢先聽到我叫佢。」有沒有呷醋？她笑指：「我而家排第2位，多多少少都會呷醋，不過係自己個女，OK嘅！」單文柔笑謂剛才趕住出門口，所以忘記與女兒say goodbye。她透露現時已停止餵人奶：「因為好辛苦，同埋想做番嘢，所以而家食緊之前嘅人奶。」

談及單文柔全面復工，會否擔心自己出席的商演活動被網民圍？單文柔說：「我明白社會上有唔同嘅聲音，但最緊要大家嘅安全，政治嘅嘢，我唔方便評論，但安全係最重要，尤其是而家做咗媽咪，見到有人受傷，我都好唔開心。」

提到單文柔在IG貼上打高爾夫球的照片，留言：「這是暑假目標，希望之後可以陪陳生玩，唔使再教到嘔血。」她笑指老公的運動細胞很強：「其實1年前跟佢學打高爾夫球，但當時陀緊BB，唔可以郁動太大，所以冇練好耐，最近坐完月先開始再打，但因為太生疏，變唔落場嘅時候，佢要兼顧埋我，唔可以好好enjoy打波，所以我應承佢今個暑假要練高爾夫球，希望練好啲同佢打。」

另外，楊洛婷透露12月頭，會到夏威夷慶祝結婚5周年，此行將會攜同1歲多的女兒Tanya一起去，不過她說：「我唔知老公去唔去到，因為佢喺12月好忙，但我已經同佢公司講咗。」會否趁機會「造人」？她笑說：「想呀，去到邊都想。」

採訪：黃曉妍
攝影：陳俊強

------------------------------
【每周送10萬】
升級壹會員獨家尊享，立即參加10萬火急大抽獎 !
*推廣生意的競賽牌照號碼：52302-9
-------------------------------
錶迷必讀！
89頁腕時計電子書 66款嚴選年度新錶
https://hk.adai.ly/e/v7jEA0MC1X