陳美齡（Agnes）已有史丹福大學教育博士學位，不時出書分享教育心得，但仍在學習中。剛做了半年「新手奶奶」，陳博士說，仍在學習做「奶奶」。

63歲的陳美齡，年輕時去日本做歌手，戀上經理人金子力，毅然放下事業做家庭主婦，誕下三子：和平、昇平及協平。現在三名兒子都成年了，現年30歲大仔今年3月更成家立室，迎娶美籍台灣太太莊文若，Agnes更多了一個奶奶的新身份。

三個兒子都長大有自己生活，Agnes近年就多番啲私人時間，可以多點返港，陪伴年長的媽媽，又與夏雨兒子黃奕晨（Dixon）主持ViuTV節目《美齡幸褔便當》。

Agnes笑言，理論呢，講就易，實踐難，包括揣摩婆媳關係：「好坦白講，我未識，但我新抱好隨和，唔會特別服侍或要求你，我當佢係自己嘅女，如對仔咁對待。我仲驚過佢，驚自己做錯、怕得罪，怕無意中激嬲佢。唔想影響佢哋家庭生活，唔想成為佢哋嘅難處。」

Dixon正與Super Girls成員吳嘉熙（Cheronna）拍拖，見到Agnes婆媳關係良好，希望對方可以灌輸給自己的母親：「媽咪返香港，我就會當佢係自己女朋友，佢好錫我，對於我揀嘅女朋友好嚴格，但暫時冇提出問題。Cheronna好識做，同我媽咪去睇馬戲團，我好欣賞佢，做得好出色，好叻。」

Agnes多年沒拍香港電視節目，今次與Dixon這位後輩合作，亦好適應，兩人走訪十五個家庭，一起做愛心便當、分享育兒心得。但因為大家都用盡心力，所以每次拍攝後都很累：「因為得一日時間，每個家庭都要好投入，要有心得留低俾佢，好努力集中，令媽媽講出心底話。Dixon負責同小朋友相處，大家好投入集中，拍完個人散晒。」

回想這十五個家庭中，Agnes最難忘有一個，雙親全力拚搏賺錢，計過條數，儲起來足夠讓女兒生活到大學，之後就辭職，24小時湊女。Agnes向這位爸爸提出忠告：「我提個爸爸千祈唔好覺得有回報，個女到14、15歲會反叛，你要諗冇回報，唔可以控制佢一世，如果諗住佢大個咗好似自己對佢咁好來對自己，家長會好難接受。呢種唔係真正嘅愛，真正嘅愛冇回報、冇條件。第二次見個爸爸，佢已話好明白，相信佢都曾經好期望。」

採訪：王連連
攝影：陳慧安
場地提供：香港郵意
服裝：Majestic Legon（陳美齡）、ad-lib（黃奕晨）