跟陳豪分手後被傳出同富二代林忠豪撻著，廖碧兒（Bernice）一直死口唔認，點都估唔到林忠豪早前喺電台訪問中自爆同碧兒拍過拖，而兩人拍拖之時，碧兒仲未同陳豪分手，斷到正一正。

報道刊出至今，女方都無回應過，日前碧兒應導演嚴浩邀請，擔任有線新節目《食德好‧嚴浩偏方》頭炮嘉賓。節目中佢仲下廚煮粟米魚肚羹畀嚴導品嚐，又重提曾因拍劇跌傷、令腰骨碎裂嘅意外。

碧兒話，佢曾經唔敢再諗返娛樂圈工作，只想隻腳可以有返感覺，同時亦感激休養期間，家人嘅體貼關懷：「感情唔可以強求，要順其自然。」問到有冇擔心腰骨碎裂影響生育？碧兒話：「都有少少擔心，第時我要生七個，之後會繼續拍戲。」佢強調幾時生要問上天，因為暫時都未有另一半。


【齊齊投選2012年娛圈風雲人物】
入面粒粒巨星，你想咀佢，定想掟蕉過去？XD
http://bit.ly/ent_2012 (電腦版)
http://bit.ly/ent_m2012 (手機版)