韓國5人男團B1A4於今年4月踏入出道7周年，當時已有報道指5位成員與所屬嘅WM娛樂合約到期，但B1A4仍未傾掂續約，令粉絲相當擔心組合會敵唔過「7年魔咒」而解散。B1A4延長2個月嘅時間討論續約問題後，WM娛樂今日宣佈，隊長振永、BARO確定唔續約離開公司，至於CNU、燦多及孔燦三位成員就已經完成續約。

WM娛樂聲明中表示，振永及BARO因有唔同嘅夢想，選擇行自己嘅路，最終決定唔續約，而公司亦會尊重兩人嘅決定，未來亦會大力支持CNU、燦多及孔燦。聲明中未有提到B1A4係真正解散，外界有傳組合會好似女團少女時代咁，未來好有可能再合體演出，但亦有可能改組成三人組合重新出發。

振永及BARO唔止唱得又演得，分別曾演出《雲畫的月光》、《請回答1994》等劇集，有報道指兩人確定離開後，有唔少演員經紀公司接觸兩人，所以兩人未來喺戲劇圈發展嘅機率甚高。

更多韓流，喺晒《娛果》
http://fb.com/appledailyent