「天資係上天畀小朋友嘅禮物，如大人冇營造環境加強呢方面才能，所有嘢都係徒然！」80後的視藝導師「梵高爸爸」坦言，在大仔出世前，已想為他安排天賦基因測試，更不斷搜羅相關資訊，「想知佢有冇遺傳咗我嘅藝術細胞！」

其後兒子在6個月大時進行了基因測試，因為他認為孩子越大越受外在環境影響，但結果出乎其意料，兒子藝術天賦只得中等分數，反而數學和演講能力較高分，而最驚喜的，是兒子智商類高於一般小朋友，「我哋收入唔多要睇餸食飯，所以都會撥多啲budget（開支）去培養高分嘅天賦。」

他隨後火速為兒子設計一系列的培訓課程，包括安排兒子2歲時開始學英語、普通話，至於藝術方面，由於兒子對顏色的感知能力只屬平均，故他會繼續觀察，暫時會以興趣班形式讓兒子學習，「會揀一啲有藝術、音樂嘅playgroup，唔會扼殺佢。」對於檢測結果是否滿意，「梵高爸爸」直言兒子年紀尚幼，未知結果是否準確，但認為可作為參考。

天賦基因檢測近年大行其道，不少港爸港媽都是支持者，但亦有不少家長對檢測存疑，育有2歲女兒的李先生認為：「好多嘢受制於成長環境，天賦係有，但係咪咁容易喺DNA反映到？」他反而較着重女兒健康，希望透過測試檢驗出女兒是否有敏感基因，「我本人10幾歲時食某一種退燒藥會出疹，才知對此過敏，故測試敏感基因會有用啲。」

而育有2個月大兒子的梁氏夫婦則認為天賦基因測試荒謬：「太嘥錢，不如用嚟報興趣班好過啦！（天賦）係從小培育，如細細個就check到，咁我可以唔使教啦！」

事實上，天賦基因檢測近年成為港媽界熱話，不少媽媽在好奇心驅使下仍甘願自掏腰包，覺得試試無妨，惟結果的可信性就不得而知！新手媽媽黃小姐半年前為當時年僅3歲半的女兒進行測試，結果顯示她在體育和音樂方面較好，「都OK準，因為佢1歲半時已識攞住有顏色嘅LEGO，講red、green、blue，可見佢對顏色特別敏感。」她直言會因應報告結果，給女兒在體育和音樂方面多一點發展，但否認為自己為了贏在起跑線，報告亦不會影響其育兒方式，「如果報告話佢唔好嘅項目，就加多留意，加多幾錢肉緊培訓佢，唔會扼殺佢！」

而育有3歲囡囡的陳小姐，去年花約4,000多元為女兒做基因測試，「朋友叫我試，我都係八卦吓，最有用反而係健康，但因為太貴，冇做到呢方面嘅測試！」最後她選了6至7項天賦，包括IQ、EQ、顏色、專注力、聰明等，結果顯示多項天賦高於水平，唯獨顏色認知只屬一般水平。她認為報告對育兒有幫助，「例如知道學術定運動方面好啲，就培訓多啲，行少啲冤枉路！」

-----------------------------
2019區選專頁
光復香港 11.24踢走共產黨
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568