大學修讀歷史的張堅庭在1989年與製片及另一位好友一齊上京，當時聞北京天安門學生擬退場，張堅庭有感學運大抵已屆尾聲，故想親身見證這歷史性一刻，入住北京飯店的他，未想到竟然見「軍隊入城」，他昨日在YouTube頻道上載影片回憶在1989年6月4日於北京長安街及北京飯店內所見到的一切（新聞連結： https://bit.ly/317V0hC）。

6月3日晚上，張堅庭到街上走動，見一架小型裝甲車沿長安街向天安門廣場飆過去，沿途市民用石頭掟裝甲車，其後裝甲車在路上放了兩個催淚彈，張堅庭及友人沿長廊返飯店，怕軍人開槍，回酒店睡覺，之後電話響，朋友告知他軍隊入城，當時張堅庭留在飯店內。

「當時有啲房冇閂門，我落去又唔係，喺度行嚟行去，我聽到窗門砰砰嘭嘭，唔知係咪槍聲，因為閂咗房門，唔係幾聽到。我同學嚟問我：『喂，阿庭，我有幾盒新聞帶，我交俾你，你聽日走嘅時候幫我帶返香港。」當時與張堅庭同行的馮意清一口答應，收下放入房。」

回房未幾，張堅庭思前想後：「死喇，我哋又唔係記者，又冇領事保護，你有大公司，混亂嘅情況下就可以啫……如果唔係嘅話，唔係好掂喎！同埋餅帶交咗俾我哋，如果有乜嘢唔妥，我哋冇公司幫我哋，我哋當時係self employed，唔係嘉禾嘅僱員，當時預備拍《表姐》，於是我問番我同學：『喂，唔掂，呢兩餅帶，我唔想攞，因為我要保護我啲老友，你自己有大公司喺後面，有得疏通；但如果俾我哋，變咗間諜，我哋唔方便。』跟住佢就攞番。」

「之後嗰幾個鐘頭，聽到啲記者訊息好混亂，真係斷估，因為查證唔到真定假。聽到佢哋eliminate咗一啲冇可能嘅，跟住又打電話，大家互相印證。我哋就喺間房行嚟行去，當時真係好混亂。」

「天光之時，我就走咗入去成班記者嘅房，成班香港記者喺度，當時訊息已經好多，有開槍，死咗好多人。香港啲記者可能比較Green，冇乜戰地採訪經驗，我見到有啲記者歇斯底里，癲癲哋咁，我見到其中一個直頭喺張床度跳，嗌，我嚇咗一跳。」

「有個香港記者喺露台出面，突然匿一匿，伏喺度唔郁，其他記者就好擔心，問：『佢係咪中彈呀？』又一輪歇斯底里。個記者之後慢慢爬番入嚟。」

當時張堅庭的記者朋友建議他離開房間，他也明白：「當時成班記者都歇斯底里，基本上佢哋都做唔到採訪。可能係因為太年輕，未面對過咁嘅情況，同埋真係開槍，佢哋可能有電話聯絡到，知道唔係講笑，今次真係死好多人。」

未完待續，詳見另文（新聞連結： https://bit.ly/2ERTt5F）。

Part 1：「喂，軍隊入城！」張堅庭憶卅年前：裝甲車飆向天安門廣場
https://bit.ly/317V0hC

Part 2：記者訊息好混亂 張堅庭稱唔係講笑：死好多人
https://bit.ly/2QMgY4T

Part 3：張堅庭稱聽到掌聲 記者放下攝影機：是坦克！
https://bit.ly/2ERTt5F

Part 4：毋忘六四 張堅庭稱並非政治立場問題
https://bit.ly/2Kos3YR
--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9