飛機人人都有機會搭，但如果飛機標煙又冒火花你又驚唔驚？美國航空一班由香港前往洛杉磯的AA192客機，原定傍晚6時30分起飛，惟客機準備駛離停機坪期間，機尾位置突然冒出陣陣白煙。讀者羅小姐向《蘋果》表示，當時她在63號登機閘口等侯另一班飛機，突然見到附近一班美國航空的客機冒煙，「一開始嗰時係超級大煙，之後機尾有火花，之後就冇乜煙，幾分鐘後消防就到」。她指消防員到場後，立即上機疏散過百乘客到安全位置，據知事件中無人受傷，但羅小姐直言整件事很危險，「冇諗過會有飛機出煙又冒火花，仲要係長途機，點解會咁！」

有關航班需延至明日(14日)中午12時30分起飛，機管局指在傍晚6點半接到報告，美國航空一班飛往洛杉磯的離港航班AA192有煙冒出，機管局及消防到場了解，機場運作並未受到事件影響。

你敢爆，我敢獎！ 立即WhatsApp《蘋果》24小時爆相爆片熱線 或致電：63836568