就算世衞提升豬流感警戒級別,都無阻股市照爆霹靂升勢,港股昨一度大升超過600點,收市仍錄得564點升幅,報15520,成交急增至709億元。股海氣勢超勁,星俠昨日都隱約覺得個市唔可以睇淡,好友果然有料到。
若然片面以03年沙士一「疫」來分析家陣股市,似乎已經唔可行,否則個市咁升法,股友搵乜來自圓其說?不過所謂踢波係「逐場計」,之前賽績唔可以全盤作準,股市升跌亦係「逐日計」,家陣大市連升兩日已累升近千點,下個禮拜就係5月份首個交易日,唔知港股係咪可以一口氣再升,抑或過完呢個假期「冷河」之後就暫時唞唞?