陳冠希(Edison)舊愛謝芷蕙（Cammi），轉戰網上搞賣衫生意，又有大陸富二代男友照顧，Cammi早前更被爆喺大陸同台灣玩網上直播網站，網民可以用現金買一啲代幣送俾直播主，身為直播主可以收取網民嘅「代幣」，兌換成現金，之前Cammi排行榜46位，賺咗成196592粒代幣，即係差唔多7千元港紙，每個星期睇，半個月賺萬三，唔怪之得喺社交網成日貼啲猶如闊太嘅生活。

Cammi噚晚喺Ig自爆幾日前被黑客盜用Ig帳戶，噚晚拎番個帳戶，後嚟凌晨時分又被盜用同改名，現時都唔知帳戶係咪安全，有好多相同影片都被刪走，又無緣無故咁follow咗好多人，個黑客又用Cammi嘅帳戶，用簡體字私信俾好多陌生人，主要係問人拎微信，而Cammi並唔知呢件事，所以特意貼文向受影響嘅人道歉，同時覺得好嬲。