《生化危機》系列自從上年告一段落之後，「打女」美娜祖華維茲（Milla Jovovich）似乎未夠喉。數月前《天魔特攻》（Hellboy）宣佈重拍，今日仲公佈美娜將會加盟演出反派「血皇后」（Blood Queen）一角！據報導，重製版《天魔特攻》將會於下年上映，名為《Hellboy: Rise of the Blood Queen》，而於漫畫入面，血皇后係個法力強大嘅女巫，但將愛人封印於墓穴之中。其實《天魔特攻》於04同08年都推出過電影，口碑仲唔錯，但因為開支大而冇再拍落去。近日，電影公司先決定重新開拍，仲搵嚟執導過大熱美劇《西部世界》（Westworld）、《權力遊戲》（Game of Thrones）嘅Neil Marshall做導演，而家宣佈加埋美娜祖華維茲，吸引力立即大增！